حرب الممالك Kingdom War

حرب الممالك .. نظام جديد بتجربة مميزة ;)
متوع التحديث ينزل : 1 سبتمبر 2015
الموضوع متقسم لـ :
- ايه هى المملكة والفرق بين الاتحاد والجيلد
- ترتيب المناصب فـ المملكة
- كويستات حرب الممالك
- الايفنتات اللى هتنزل مع النظام الجديد وجوايزها | مهم |
- الاسئلة الشائعة ( ودى عشان لو فى حاجة نسيت اكتبها او مش واضحة )

هام : لو فى حاجات مش واضحة .. فى آخر الموضوع موجود اهم الاسئلة الشائعة واجاباتها ;) 

ايه هى المملكة ؟
المملكة باختصار هى السيرفر ،عشان نفهمها اكتر نبدأ بالاتحاد
الاتحاد عبارة عن "جيلد" لكن برتبه اعلى .. وعشان الجيلد ليدر يعمل "اتحاد" فيه طريقتين "يدفع 10000 CPs او يكون اول جيلد يكسب الجيلد وار"
وبعد ما الجيلد ليدر يعمل الاتحاد يقدر يكون المملكة اللى بتحكم السيرفر.

يعنى ..  جيلد >يبقى> اتحاد >يكون> مملكة.

يعنى اى جيلد يقدر يكون اتحاد عن طريق انه يدفع 10000 CPs من Fund الجيلد.

طيب لو فى اكتر من جيلد فـ السيرفر عمل اتحاد .. مين اللى هيحكم المملكة ؟
السيرفر اللى عنده قطع دهب اكتر هو اللى هيكم المملكة فى الحالة دى .. وقطع الدهب دى بتتعمل عن طريق كويستات هتنزل مع النظام الجديد .

ترتيب المناصب فـ المملكة :

المناصب فـ المملكة مقسمة لترتيب هرمى وهنا دور كل واحد :

الامبراطور 
- هو حاكم المملكة وبيكون رئيس الجيلد اللى كون الاتحاد اللى بيحكم المملكة
- بيقدر يتحكم باعضاء الاتحاد .. يعنى يطرد اى حد :D
- هو المسؤول عن تعيين باقى المناصب فـ المملكة
- ليه مميزات خاصة بيه زى : بياخد اجنحة خاصة بيه (ايتم جديد) - ليه جيرمنت خاص بيه xD

الحريم الامبراطورى او"الحرملك"
- بيتكون من : الامبراطورة - محظيتان(وصيفتان) - وسبع سيدات   (حريم السلطان يعنى)
- ولو كان الامبراطور (حاكم المملكة) انثى وليس ذكر يبقى فـ الحالة دى الحرملة هيتكون من : برنس - اتنين من النبلاء(واخدين رانك يعنى) - وسبع خدام

الوزراء والمارشال (قائد الميدان)
- 2 وزراء .. الوزير الايمن والايسر
- 2 قادة ميدان (مارشال) .. ايمن وايسر

اربعة جنرالات (لواء يعنى)
- مسؤولون عن : الامن، الدفع، السلام(الدبلوماسية)، الغزو.

الحرس الامبراطورى
ودول عبارة عن 20 واحد بيختارهم الامبراطور .. ايه لازمتهم؟
من مزايا الامبراطور بيكون معاه توكن اسمها "الاستدعاء" يقدر يستدعى بيها الحرس فـ اى وقت (زى الجارد يعنى)

المهمات (Quests)   
وفى منها نوعين :
1- كويستات خاصة بالمملكة
ودى خمس مهمات وبيتكون ليها علاقة بالاتحاد .. يعنى مش مهمة فردية

- قتل النواة وقتل الامبراطور : ودى عبارة عن انك بتموت نواة المملكة المعادية (العدو) وبتاخد بعض الجوايز، او انك تقتل امبراطور بتاع ممكلة تانية وليها جوايز خاصة بيها ( مش مذكور ايه هى)

- قتل الغُزاة  Slaying Hostile Enemy : ودى هتكون وقت الحرب (حرب الغنائم) والمطلوب منها انك تقتل الاعداء فـ مقابل حصولك على بعض النقط (الائتمانات)Credits .. هنسميها نقط منعا للغبطة او التشتت ;)
قتلت 1 تاخد 1 نقطة
قتلت 3 تاخد 4 نقاط
قتلت 10 تاخد 12 نقطة
قتلت 30 تاخد 50 نقطة
قتلت 100 تاخد 150 نقطة

- حماية المملكة Guarding The Kingdom : ودى لما تقتل الاعداء من سيرفر تانى على السيرفر بتاعك
قتلت 1 تاخد 4 نقط
قتلت 3 تاخد 4 نقط
قتلت 7 تاخد 10 نقط
قتلت 15 تاخد 20 نقطة
قتلت 30 تاخد 50 نقطة

- تدفق الذهب (اسيل الذهب) Gold Rush : وقت الحرب الاتحاد يقدر يسرق (يغتنم) الطوب الذهبى Gold Bricks من ممكلة تانية ،وكل ما الاتحاد سرق دهب اكتر :D  كل ما خد نقط اكتر
اغتنم  Normal Gold Brick هياخد 10 نقط
اغتنم Elite Gold Brick هياخد 20 نقطة
اغتنم Refined Gold Brick هياخد 30 نقطة
اغتنم Unique Gold Brick هياخد 50 نقطة
اغتنم Super Gold Brick هياخد 100 نقطة

طبعا هتلاحظوا ان الـ Elite اقل من Refined و Unique !! غالبا دى غلطة من السايت الرسمى وهيصلحوها .. بس احنا مش هنعدلها دلوقتى لغاية ما نتأكد
النقط دى بيتم استبدالها بجوايز

- قتل الوحش المقدس Killing Sacred Beast : وقت الحرب هيظهر وحش فى القصر الامبراطورى فى Twin City لو قتلته هتاخد نقاط مضاعفة عن الكويستات اللى فوق

2- كويستات غير خاصة بالمملكة (فردية) 
ودى زى مهمات الكروس سيرفر العادية اللى كانت موجودة قبل كده

- التجسس Undercover : والمطلوب منك انك تروح مدينة التوأم Twin City فى سيرفر تانى غير بتاعك .. وتقابل الجواسيس اللى هناك وتاخد منهم معلومات سرية عن الاعداء

- قتل الـ Bosses : فى وحوش هتظهر كل ساعة .. اقتلها وخد الجوايز

- قتال كريستالات الشر Evil Crystal Battle : كل ساعة فى بعض الالغام هتظهر ومعاها 5 كريستالات .. ارع كريستالات صغيرة وكريستالة كبيرة، هتستخدم الالغام دى فـ انك تقتل الكريستالات

- اصطياد الوحوش Monster Hunting : فى خمس انواع الوحوش هتظهر فى الكروس سيرفر كل نوع هيديك جوايز مختلفة ،وطبعا لان عدد الوحوش قليل وبتظهر فـ اماكن قليلة .. مسموع تستخدم البى كيه (هتبقى معجنة) ولو قتلت لاعب من سيرفر تانى هتاخد نقطة عن كل واحد تموته  .. النقط دى ينفع بعد كده تتغير بـ ستونات  Stones

 كده دى كل الكويستات اللى موجودة عالسايت الرسمى

الايفنتات اللى هتنزل مع النظام الجديد وجوايزها
حتى الآن فى 4 ايفنتات هتنزل وهنا توضيح ليهم وللجوايز

-ترتيب حرب الممالك Kingdom War Ranking :
الموعد : 8 سبتمبر حتى 8 اكتوبر
 طبعا انت دلوقتى ظبطت الدنيا وقتلت ناس كتير :D
اكتر واحد هيجمع نقط ويقتل ناس (زى الشرح اللى فوق) هياخد الجوايز دى

-اختبار حرب الممالك Kingdom War Quiz :
الموعد :  1 سبتمبر حتى 30 سبتمبر
ودا هيكون عامل زى الـ Quiz Show بس الاسئلة بتاعته هيكون ليها علاقة بنظام المملكة وكل سؤال تجاوبه صح هتاخد 10 نقط ،ليك تجاوب على 5 اسئلة بس كل يوم .. طيب هعمل ايه بالنقط دى ؟
هيكون فى صفحة على الموقع الرسمى تستخدم النقط انك "تدور العجلة" كل 30 نقطة بيديك فرصة واحدة عشان تدورها وتاخد جايزة واحدة من الجوايز دى :  Permanent Stone, +8 Stone, Mystery Fruit, Permanent Stone, Vital Pill, Lottery Ticket, Dragon Ball, Meteor Scroll

يا بلاش !!  :D

-قائمة الانجازات   Achievement list :
الموعد : 26 اغسطس حتى 30 سبتمبر
دى بقى ملهاش علاقة مباشرة بحرب الممالك .. دى عشان كل اللعيبة حتى الصغيرين منهم (النوبات) يقدروا يستفيدوا ، يعنى مثلا لما تقتل الوحوش فو لما تخلص الجيانج والتشى والاليت بى كيه .. الخ هتاخد جوايز كتير وكويسة جدا منها ..
ital Pills, Favored Training Pills, Senior Training Pill, CPs (B), Fiery Dragon of Hades Version, Epic Weapon Token, Chaos Ripper Scroll, new garment

ركزوا كويس اوى فـ الجوايز .. واخدين بالكم من Epic Wepon Token دى ؟؟
ايوه يعنى ممكن تاخد توكن تعملك السلاح ايبك من غير الكويستة .. يعنى النينجا المنفوخ فـ الكويستة مش هتعملها :D
دا غير باقى الجوايز ;)

-عودة المحارب Return of Veteran Players :
ودا لوحده جواه 3 ايفنتات :D  .. نشوفهم واحدة واحدة

1. قيمة الاكونت account Value Rebate :
    ودا ايفنت اتعمل كتير قبل كده وهو انك بتشوف قيمة الاكونت بتاعك على اساس بقالو كام سنة والفى اى بى لفل .. الخ
    وتقدر تستبدلها "بدولارات" او تدور العجلة :P

2.عودة الصديق القديم Return of Old Friends :
   هتنزل قايمة باسماء اللاعيبة اللى ملعبوش بقالهم فترة .. ولو دعوتهم عشان يرجعوا يلعبوا تانى هتاخد CPs فرى .. واللاعب 
   اللى رجع يلعب تانى هياخد الايتم الجديد (الاجنحة المقدسة) سوبر o.O

3. فرحة العودة (مرح العودة للعب) :
   ودى كويستة جماعية .. يعنى لو عدد اللعيبة اللى رجعوا يلعبوا الجيم تانى وصل لعدد معين هيكون فى Cash Rain ,CPs Rain  or DBs rain  ديبيهات او سيلفر او كبس :D

كدا فاضل اخر قسم من الموضوع وهو "الاسئلة الشاعة"
وهيكون عبارة عن س و ج عشان لو فى حاجة مش واضحة :

ايه الجديد فى كونكر 3  Conquer 3.0  ؟
حرب الممالك ،الاجنحة المقدسة ،روح المحارب القديم و نظام التحسين .. وتم شرحهم هنا

ايه هو الاتحاد ؟
الاتحاد هو حاجة اعلى من الجيلد .. والجيلد اللى هيفوز باول "جيلد وار" هيقدر يكون اتحاد .. وباقى الـ Guilds اللى مكسبتش اول حرب هيضطروا يدفعوا CPs عشان يكونوا اتحاد

الاتحاد بيعمل ايه ؟ لازمته ايه ؟
الاتحاد هو اللى بيكون المملكة .. ورئيس الاتحاد هيبقى امبراطور وهيكون ليه مميزات غير اى حد فـ السيرفر

ازاى اشترك فـ الاتحاد ؟
لو انت مش موجود فـ اى جيلد تقدر تدخل الاتحاد على طول .. ولو انت فـ جيلد معين ومش عايز تسيبه ممكن الجيلد ليدر بتاعك يدخل الاتحاد وساعتها كل الجيلد بتاعه هيكون فـ الاتحاد

ازاى اقدر اخلى الاتحاد يأسس المملكة ؟
فى ايتمز اسمها Gold Bricks او الحجارة "الطوب" الذهبية .. لما الاتحاد يجمع عدد معين منها بيتحول لمملكة .
ولو مفيش اتحاد اصلا فـ السيرفر ،فأول جيلد هيكسب الجيلد وار هيبقى اتحاد مباشرة .. وهيقدر يبقى مملكة من غير اى حاجة

ايه هو الطوب "الحجارة" الذهبية Gold Bricks ؟؟
لما تأسس اتحاد هيكون موجود فيه 500 طوبة تلقائيا .. وبيزيدوا لما تدخل حرب مع مملكة تانية وجمع غنائم ،قوة المملكة بتحدد بعدد الحجارة الذهبية الموجودة فيها

ايه هى حقوق ومميزات الامبراطور ؟
حقوقه :
- بيتحكم بالتوكنات الامبراطورية  (هنعرف ايه هى كمان شوية)
- يقدر يخرج او يدخل اى حد الاتحاد
- بيعين موظفين المملكة
مميزاته:
- بياخد الايتم الجديد "الاجنحة المقدسة" Tempest Wings ببلاش خاصة بيه "سوبر" وجيرمنت خاص بيه هو بس

ايه الموظفين اللى الامبراطور يقدر يعينهم ؟
الوظائف الرئيسية زى : الوزيران (الايمن والايسر) ،قادة الميدان (الايمن والايسر) ،اربعة جنرالات ،20 حارس
الحريم الامبراطورى بيتكون من :امبراطورة ،وصيفتان ،سبع سيدات

ايه مميزات الوظايف دى ؟
بيقدروا ياخدوا قرارات وتراخيص يومية ،وبعض منهم يقدر يقوم بمهام الامبراطور

ايه هو نظام الاوامر ؟
دا نظام مسؤول عنه قائد الاتحاد او الامبراطور واهميته انه بيتيح للقائد يدى اموامر ببدء الحرب او يكافئ اعضاء الاتحاد ،دولما الاتحاد يبقى مملكة .. الوزراء وقادة الميدان يقدروا يقوموا بالمهام دى مع الامبراطور

ايه انواع الـ Tokens او الاوامر فى الاتحاد ؟
فى 5 اوامر وكل واحد ليه توكن خاص بيه : الاغتنام ،الاستدعاء ،المرتبات ،التنقلات ،المكافأة .

مين يقدر يستخدم الاوامر او التوكنات دى ؟ 
توكن الاغتنام Loot Token : الامبراطور ،قائد الميدان وقائد الاتحاد
توكن المكافآت Reward Token : الامبراطور والوزير
توكن الاستدعاء Summon Token : الامبراطور وقائد الميدان (المارشال)
توكن الرواتب Stipend Token : الامبراطور
توكن الآنتقال Shift Token : الامبراطور

طيب التوكنات دى بتعمل ايه ؟
توكن الاغتنام Loot Token : تيدأ تلم غنائم الحرب
توكن المكافآت Reward Token : تدى جوايز ومكافآت للناس اللى فـ المملكة
توكن الاستدعاء Summon Token : تستدعى اعضاء المملكة عشان يحاربوا معاك
توكن الرواتب Stipend Token : تدى مرتبات الموظفين بتوع المملكة :D
توكن الآنتقال Shift Token : الامبراطور بيستخدمها عشان يستدعى الحراس يساعدوه ويحاربوا معاه (يعنى لما يتزنق يطلب النجدة) :D

مين اللى بيحدد المرتبات ؟
المناصب نفسها .. يعنى كل لما وظيفتك تكون اكبر المرتب يكون اعلى :))))))

ايه هو الليفل المسموح بيه عشان مهمات المملكة ؟
فرست ريبورن لفل 70 او اعلى

كده نظام المملكة الجديد خلص تماما حتى الآن ،الى حين وجود اخبار جديدة على الموقع الرسمى او عند نزول النظام رسميا

فى نقط زى Exploits و Chariot مذكرتهاش عشان مفيش معلومات كافية عنها على الموقع وهنستنى لما التحديث ينزل فى شهر سبتمبر القادم

اخيرا متنسوش شير و +1  ;)