كونكر 3 - Conquer 3.0

Conquer 3.0

بدأ الكلام عن كونكر 3 تقريبا من سنة او اكتر .. وتوالت الاخبار عنها بصور 3D كان عاملها بعض رواد الجيم
وتقريبا كل اللى كان بيسمع عن اى تحديث يقوا انها هتبقى 3D  (ثلاثية الابعاد)
عوضا عن كونها حاليا 2.5 D يعنى دمج مابين 2D و 3D

مش هنخوض فـ تفاصيل كتيرة عن الاخبار اللى كانت منتشرة وكانت 95 % منها خاطئة
هنتكلم هنا عن COnquer 3.0 وتحديثاتها اللى فريق كونكر نزل خبر عنها :

كونكر 3.0 بدأت الاستعدادات ليها من اكتر من 7 شهور .. بداية من انطلاق الاسلحة الاسطورية Epic Weapons
وصولا الى اخر شخصيات الجيم اللى هى "المحارب التنين" او "بروسلى" كما يُقال

واستمرت التحديثات مع نزول كل باتش تمهيدا لاطلاق كونكر 3 

وهنا ابرز التحديثات اللى هتكون موجودة فى كونكر 3 ...

1. حرب الممالك : ودا نظام جديد سيتم استحداثة مختلف تماما عن "الجيلد" وهو "الاتحاد"
وهيكون بين السيرفرات وليس سيرفر واحد (كروس سيرفر) 

وهينزل فى شهر سبتمبر القادم
ولان الموضوع يطول شرحه سيتم افراد عدة شروحات ليه .. بس مش دلوقتى :D 

2. الاجنحه المقدسة Tempest Wings : ودى عبارة عن ايتم جديد سيتم استحداثه لزيادة قدرات الشخصية
وتم الاجابة عن الاسئلة الشائعة فى هذه التدوينة من هنا

وهينزل فى شهر سبتمبر القادم

3. نظام التحسين Perfection System : للأسف مفيش معلومات كتير عنه .. لكن المُختصر اللى فريق TQ قايله انه هيكون نظام

لزيادة قوة الاسلحة والايتمز عموما .. فـ اعتقادى انه ممكن يكون نظام شبيه بالسول (مجرد تخمين)

4. روح البطل القديم  The Soul of Ancient Hero : ودا اللى ممكن يكون مميز شوية

مفيش تفاصيل كتير عنه او عن موعد اصداره .. لكن الخبر الموجود انه هيكون مساعد ليك تقدر تستدعيه (زى الجارد) لكنه مختلف مثلا انك هتعمله استفه خاصة بيه (بجد :D )

دى المعلومة الوحيدة اللى موجودة عنه .. وللأسف مش مُحدد موعد اصداره

دى الاخبار الرسمية المتعلقة بكونكر 3 .. وياريت تبعدوا عن اى خبر غير رسمى ومش موجود على السايت الرسمى للجيم :) 

وبالنسبة لـ حرب الممالك هيتم عمل شرح خاص بيه قريبا 

متنسوش +1 وشير ;)